Қазақстан. Астана. 20 желтоқсан. Мемлекет басшысы 19 желтоқсандағы террорлық акт салдарынан Берлин қаласында көптеген жазықсыз адамдардың қаза болғаны туралы хабарды зор күйзеліспен қабылдады.
Нұрсұлтан Назарбаев А.Меркельге, қаза болғандардың туыстары мен жақындарына, сондай-ақ барша Германия халқына Қазақстан халқының және жеке өзінің атынан көңіл айтып, зардап шеккендердің тезірек сауығып кетуіне тілектестік білдірді.
Еске сала кетсек, 19 желтоқсан күні кешке Берлиндегі рождестволық жәрмекеде болған келушілер тобырына үлкен жүк көлігі соқтығысу нәтижесінде 48 адам жарақатталып,12 адам көз жұмды.
Дереккөз: Ақорда баспасөз қызметі
