Мәскеу. 12 сәуір. Ресей президенті Владимир Путин Елбасы Нұрсұлтан Назарбаевтың «Ислам мемлекеті» (Қазақстанда тыйым салынған) террористік ұйымға кірген қазақстандықтарды азаматтығынан айыру туралы шешіміне қатысты пікірін білдірді.

Ресей Конституциясына сәйкес, біз ешкімді азаматтығынан айыра алмаймыз. Дегенмен, біз азаматтықты алуға негіз болған тиісті шешімдердің күшін жоя аламыз. Жақын арада заңгерлермен консультация жүргізіп, шешім қабылдаймыз деген ойдамын», — деп атап өтті Путин «Мир 24» телеарнасына берген сұхбатында.

Дереккөз: «Мир 24»