Терроризмге қарсы комитет

РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ РЕСМИ САЙТЫ

Контртеррористический комитет

Официальный сайт республиканского общественного объединения

110

Терроризмге қарсы қызмет телефоны

Жедел телефон желісі

+77010222030

Бағдадта екі жарылыстан 20 адам қаза тапты

Бағдад. 30 мамыр. Бағдадта мина жасырылған екі көлік жарылып, кем дегенде 27 адам қаза тапты, 100-ден астам адам жараланды деп хабарлады Ирак билігі. Алғашқы жарылыс 30 мамырға қараған түні Каррада ауданының балмұздақ сататын дүкенінде болып, одан 16 адам қаза тапты, ондаған адам жараланды. Шабуыл жауапкершілігін «Ислам мемлекеті» (ИМ, Қазақстан аумағында тыйым салынған) экстремистік ұйымы мойнына алды.

Бұдан бірнеше сағат өткен соң Карх ауданындағы үкімет мекемесінде болған екінші жарылыстан жеті адам құрбан болып, ондаған адам жараланды. Әзірге бұл шабуылдың жауапкершілігін ешкім мойнына алған жоқ. Шабуыл мұсылмандар қасиетті санайтын Рамазан айы басталғаннан бірер күннен соң болып отыр. Бұл айда ирактықтар ораза ұстап, кешке ауыз ашқан соң қоғамдық орындарға көп барады.

Бағдадтың Каррада ауданындағы балмұздақ дүкені. Ирак, 30 мамыр 2017 жыл.

ИМ Ирактағы көпшілікті құрайтын шииттерді «дінбұзарлар» деп санайды. Бұл елде шииттер ИМ содырларының шабуылына көп ұшырайды. 2016 жылы шілдеде Каррада ауданында миналанған жүк көлігінің жарылысынан 324 адам қаза тапқан. АҚШ пен оның одақтастары 2003 жылы Иракқа басып кіріп, Саддам Хусейнді биліктен құлатқаннан бері Иракта мұндай кісі көп қаза тапқан шабуыл болмаған.

Добавить комментарий

Ваш адрес email не будет опубликован. Обязательные поля помечены *