Нью-Йорк. 1 маусым. АҚШ-та елдің әскери-әуе күштерінің ардагері 35 жылға бас бостандығынан айырылды.

Оған «Ирак пен Левант лаңкестік тобының» қатарына қосылмақ болғаны үшін тиісті үкім кесілді. Негізі, Тайрод Пуг 2002 жылдан бері құқық қорғаушылардың жіті назарында болған. 2015 жылы Түркия шекарасы арқылы Сирия аумағына өтуге әрекеттенгенде қолға түскен. Америкалық азамат алдымен Мысырға, ол жерден АҚШ-қа жіберілді. Тексеру кезінде одан экстремистік сипаттағы әдебиет табылған. Тергеу мәліметі бойынша, бұрынғы әскери қызметкер содырларға қаржылай көмек көрсетіп, Таяу Шығыста лаңкестердің қатарында соғысуды жоспарлаған.

Дереккөз: Хабар 24