Сидней, 9 маусым. Австралияның федеральды полициясының және Виктория штаты полициясының қызметкерлері қазіргі уақытта Мельбурн қаласының солтүстігінде орналасқан Эскот Вэйл ауданында терроризмге қарсы операция жүргізуде. Бұл туралы штат үкіметінің басшысы Дэниэл Эндрюс хабарлады.

«Біз әзірше операцияның егжей-тегжейі туралы ештене айта алмаймыз, бірақ мен бұл операцияның Брайтонда дүйсенбі күні болған қайғылы оқиғамен байланысты екенің айта аламын», — деп тоқтала өтті штат преьмері.

Дүйсенбі күні кешке полиция қызметкерлері әйел адамды қамауға алған лаңкесті атып өлтірді. Үш полиция қызметкері жара алды.

Дереккөз: ТАСС