Мекке. 24 маусым. Сауд Арабиясының үкімет өкілдері лаңкестік шабуылдың алдын алғанын хабарлады.

Елдің арнайы қызметтері Меккедегі әл-Харам мешітінде жарылыс жасамақ болған жанкештінің ізіне түсіп, бір ғимараттың ішінде қоршап алған. Өз еркімен берілуден бас тартқан содыр өзін-өзі жарып жіберді. Салдарынан ғимарат қирап, 11 адам жарақаттанған. Олардың алтауы –шетелдік, қалғандары – тәртіп сақшылары. Осы қастандыққа қатысы бар бес күдікті қамауға алынды.

Кааба тасы орналасқан әл-Харам – әлемдегі ең қасиетті мешіт. Рамазан айы аяқталатын күні Меккеде миллиондаған адам айтты мерекелеуге кіріседі.

Дереккөз: Хабар 24