Мадрид. 9 қараша. Испанияның ұлттық полициясы Сеута жартылай анклавында арнайы операция жүргізіп, «Ирак пен Левант лаңкестік тобымен» байланыста болған ер адам қамауға алынды, деп хабарлайды Хабар 24.
Ол экстремистік сипаттағы материалдар таратып, жұртты лаңкестер қатарына тартумен айланысқан. Тергеу мәліметі бойынша 28 жастағы күдікті Сириядағы содырлармен тікелей байланысқа шығып отырыпты.
Айта кеткен жөн, Испанияда лаңкестік қауіптің 5 деңгейі орнатылған. 2015 жылдың жазынан бері соның төртінші деңгейі сақталып отыр. Сол уақыттан бері жергілікті полицейлер 208 экстремисті тұтқындаған.
