Ташкент. 5 сәуір. Бүгін Өзбекстанда Шанхай Ынтымақтастық ұйымының аймақтық терроризмге қарсы құрылымының кезекті отырысы өтеді, деп хабарлайды Хабар 24 телеарнасы.

Онда ұйымға мүше алты елдің өкілдері терроризм, сепаратизм және экстремизмге қарсы күресте өзара ынтымақтастықты нығайту мәселелерін жан-жақты талқылайды. Халықаралық және аймақтық деңгейдегі жаңа сынақтар мен қатерлерге төтеп беру жолдары қаралады. Радикалды және діни идеологияның ғаламтор арналары арқылы таралып кетпеуін қадағалау сынды бірқатар маңызы зор мәселе қаралады.