Степногорск. 26 маусым. Кезінде Степногорск қаласы жат ағымдағылар көптеп белең алған өңір болатын. Мүфтият және жергілікті филиалдың қолға алуымен жаман кеселдің жолын кесу бағытында тұшымды жұмыстар тындырылды. Бұл насихат шарасы бүгінде жалғасын табуда. Осы өңірде болып, Паң Нұрмағамбет мешіті жамағатымен кездескен Ақмола облысының бас имамы Қуаныш Сәбит бұл бағыттағы насихат шаралары жандана түсетінін айтты.
Мешіттегі ақшам намазынан кейінгі кездесу шарасына ,,Аңсар,, орталығының теологы Асқар Сабдин қатысып, дінімізді жіліктегісі келетін жат ағымның жетегінде жүргендермен күрестің -жай жапсары, оның алдын алу жолдары жайлы айтып берді.
Бұл тақырып ешкімді бей — жай қалдырмады. Әркім өздерін толғандырған сауалдарын қойып, оған толымды жауаптар алды.
Ақпарат көзі: Nasihat.kz
