АСТАНА, 2 қыркүйек. Өзбекстанның Ішкі істер министрлігінде ФТБ директорының орынбасары Дэвид Боудич бастаған АҚШ делегациясымен келіссөздер жүргізілді, деп Podrobno.uz-ның тілшісі хабарлайды.
Өзбекстанның ішкі істер министрі, генерал-майор Пулат Бобожонов қонақтарды қабылдап,сұхбаттасты.
«Баянды сұхбат барысында Ішкі істер министрлігі мен ФТБ арасындағы халықаралық лаңкестік, экстремизм, есірткі саудасы, адам саудасы, заңсыз көші-қон және басқа да қылмыстық әрекеттерге қарсы күрес саласындағы екі жақты ынтымақтастықтың аспектілері талқыланды», — делінген хабарламада.
Кездесу барысында құпия ақпаратпен алмасу, құқық қорғау органдарының қызметкерлерін оқыту, семинарлар мен тренингтер өткізу, болашаққа қатысты міндеттер мен мәселелер талқыланды.
