АСТАНА, 13 ақпан. Ирак күштік құрылымы соңғы айда ел аумағында жүрген ДАИШ террористік ұйымының ірі ұяшығын талқандады. Журналистермен кездесуде республиканың Ішкі істер министрлігі өкілі Саад Маан ауқымды арнайы операция елдің батысындағы Анбар провинциясында жүргізілгенін хабарлады, деп KAZISLAM сайты жазады.
Әскери операция нәтижесінде ДАИШ ұйымының 186 мүшесі ұсталды. Құқыққорғау органының мәліметінше, барлығының Ирак әскерилері мен бейбіт тұрғындарды жаппай өлтіру ісіне қатысы бар. Сонымен қатар, іс материалдарында жарылғыш заттар дайындау мен автокөліктерді миналау бойынша қылмыстар да тіркелген. Саад Маанның айтуынша, ұсталғандардың басым бөлігі өз қылмыстарын мойындаған.
