ТАРАЗ, 22 ақпан. 21 ақпанда есірткі бизнесіне қарсы бөлім қызметкерлері бұрын сотталған 32 жастағы Тараз қаласының тұрғынын ұстады, деп Жамбыл облысы бойынша ПД баспасөз қызметіне сілтеме жасап NewTimes.kz ақпараттық агенттігі хабарлайды.

Ол есірткіні заңсыз сақтаумен айналысып, оларды түзеу колониясында жазасын өтеп жатқан адамдарға жіберуді жүзеге асырды.

Айғақты зат — кептірілген марихуана — салмағы 115,82 грамм ЖД 158/7 мекеме аумағында тәркіленді.

Осы факті бойынша Қазақстан Республикасының Қылмыстық кодексінің 297 бабы «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» бойынша алдын ала тергеу жүргізіледі.

Ұсталған адам өзінің кінәсін мойындады, ол Тараз қаласының уақытша ұстау абақтысына қамалды.