АЛМАТЫ, 5 наурыз. Алматы облысындағы Текелі қаласында антитеррорлық жаттығулар өтіп жатыр, — деп хабарлайды Tengrinews.kz тілшісі қалалық әкімдік өкілдеріне сілтеме жасап.
Қаладағы кейбір көшелер жабылып, көлік қозғалысы шектелуі мүмкін.
«Оқу-жаттығудың мақсаты — адамдар көп жиналатын жерлерде террорлық сипаттағы қауіп-қатер туындаған кезде өзара іс-қимыл жасау дағдыларын пысықтау. Тұрғындарды өткізілетін шараларға түсіністікпен қарап, оқу-жаттығу кезінде тыныштықты сақтауды сұраймыз», — деді Текелі қалалық әкімшілігінің өкілдері.
