АСТАНА, 11 наурыз. Сомалидің Могадишо астанасында болған жарылыс нәтижесінде төрт адам қаза тауып, 9 адам жарақат алды, деп хабарлайды REGNUM агенттігі «Daily Monitor Uganda» агенттігіне сілтеме жасап.
Жарылыс 7 наурызда Могадишо қаласында мейрамхана жанында болды. Аш-Шабаб тобы жарылыс үшін жауапкершілікті өзіне алды.
«Жарылыс өте күшті болды, біз түтін мен тозаң бүкіл аумақты басқанын көрдік, ол миналанған автокөлік болды», — дейді куәгер Ибрагим Фарей.
Осы айда Аш-Шабаб шабуылынан 20 адам қаза болды, қауіпсіздік күштері жихадшылармен 24 сағат бойы шайқасты.
Аш-Шабаб тобы 2011 жылы Могадишодан қуылды, бірақ ауылдық жерлер әлі де террористердің бақылауында. Аш-Шабаб — Сомалидің ұлттық қауіпсіздігіне басты қауіп. 2017 жылы президент Мұхаммед Абдуллахи Моаммед мемлекеттік деңгейде террористік топқа соғыс жариялады.
