АСТАНА, 12 наурыз. Ирактың әскери барлау қызметі ДАИШ халықаралық террористік ұйымына қару-жарақ жеткізумен айналысқан содырды ұстағанын мәлімдеді, деп KAZISLAM сайты жазады.

Басқарма мәліметіне сүйенсек, содырды ұстау операциясы елдің солтүстігіндегі Найнава провинциясында жүргізілген. Ұсталған содыр ДАИШ ұйымының аса қауіпті террорисінің бірі. Ол 2014 жылы Тикрит қаласы маңындағы Салах-эд-Дин провинциясында орналасқан Спайкер әуе базасына шабуылға қатысқан.

Еске салсақ, сол уақытта ДАИШ содырларының шабуылынан 1,7 мың кадет мерт болған.