АСТАНА, 13 наурыз. Террорлық шабуыл жоспарлаған содыр Самара облысында жойылды, деп хабарлайды РИА Новости Ұлттық терроризмге қарсы комитетке сілтеме жасап.
ҰТК-нің хабарлауынша, 13 наурызға қараған түні ФҚҚ-не Безенчук ауданының Екатериновка ауылында жеке үйде қарулы адам туралы ақпарат келіп түсті. Оқиға орнына келген құқық қорғау органдарының қызметкерлері азаматқа қарсылықсыз берілуін ұсынды, бірақ ол оқ атып, соғыс гранатасын лақтырды. ФҚҚ қызметкерлері ер адамды бейтараптандырды.
Террорист болған үйде қару, оқ-дәрілер және жарылғыш құрылғылар табылды. Алдын ала мәліметтерге сәйкес, ол халықтың жаппай жиналатын жерінде террорлық шабуыл жасағысы келді.
Содырдың жеке басы анықталды: ол халықаралық лаңкестік ұйымдардың бірінің жақтасшысы және шетелде пікірлестермен байланыста болған, деп хабарлады ҰТК өкілдері. Арнайы қызметтер оның сыбайластарың анықтауда.
