АСТАНА, 18 наурыз. DJSOC Бельгияның ұйымдасқан қылмысқа қарсы күресу мекемесі Жаңа Зеландиядағы мешітте адамдарды атып өлтіргенге жауап ретінде Антверпенде жоспарланған шабуыл туралы хабар алды. Бұл туралы Sudpresse медиа тобына сілтеме жасай отырып РИА Новости хабарлады.

«Елдің орталық вокзалдарының бірінде автоматты қару қолданып, Крайстчерктегі екі мешіттің шабуылына жауап ретінде шабуыл жасау қаупі туралы жасырын хабарлама сенбі күні сағат 14.00-де қабылданды», — деп хабарлайды Sudpresse.

БАҚ-ның мәліметінше, өзінің электронды анонимді жолдауына мысал ретінде Антверпендегі орталық теміржол вокзал станцияның суретін салды.

«Қазіргі уақытта Антверпенде басқа құзырлы қауіпсіздік қызметтерінің көмегімен тергеу жүріп жатыр. Біз мұны мұқият қадағалап отырмыз», — деді Бельгия Ішкі істер министрлігіндегі қауіп-қатерді талдау орталығы Sudpresse-ке.

Жұма күні Крайстчерктегі (Оңтүстік арал) екі мешітте атыс болды, полицияның соңғы мәліметтеріне сәйкес, 50 адам қаза тапты, 50 адам жарақат алды. Жаңа Зеландияның премьер-министрі Жасинда Ардерн бұл оқиғаны террорлық шабуыл деп атады. 28 жастағы Брентон Таррантты адам өлтірді деген айып тағылып, сенбі күні сот оны 5 сәуірге дейін қамауда ұстауға ұзартты.