АСТАНА, 19 наурыз. Ресейлік әскери қызметшілері Екатеринбургте Қырғызстан, Тәжікстан және Өзбекстанның әріптестерімен бірлескен командалық-штабтық жаттығу өткізді, деп хабарлайды РИА Новости Орталық әскери округтің баспасөз қызметіне сілтеме жасай отырып.
«Басқару пункт құрамында шетелдік әріптестер Орталық Азия аймағындағы дағдарыс жағдайын шешуге қатысып, шартты террористік бандалармен күресте бірлескен топтарды жоспарлау және пайдалану тәжірибесімен бөлісті», — делінген хабарламада.
Ресей тарапынан бірлескен оқу-жаттығуға әскери округ басқармасы, екінші және 41-ші жалпыәскери армия штабтары, аудандық бағыныстағы құрылымдар мен бөлімшелер — шамамен екі мыңға жуық әскери қызметші қатысты.
Бұдан бұрын Орталық әскери округтің командирі, полковник Александр Лапин Орталық Азия аймағы елдерімен әскери және әскери-техникалық ынтымақтастықты нығайту үшін 2019 жылы 78 бірлескен жедел және әскери дайындық шараларын өткізу жоспарлары туралы хабарлады.
