НҰР-СҰЛТАН, 18 маусым. Дүйсенбі күні Ирактың премьер-министрі Адель Абдель Махди ИМ террористік топпен күресте Ресеймен қарым-қатынастарды нығайту қажеттілігі туралы мәлімдеді, деп жазады РИА Новости.
«Премьер-министр Адель Абдель Махди Ирак-Ресей қарым-қатынастарының маңыздылығын, екі елдің, халықтардың және аймақтың игілігі үшін нығайтылуын, сондай-ақ ИМ-мен күресуді жалғастыру қажеттігін растады», — деп РФ президентінің Сириядағы арнайы өкілі Александр Лаврентьевпен кездесуден кейін Ирак премьерінің баспасөз қызметі Twitter-де хабарлады.
