НҰР-СҰЛТАН 10 шілде. Ауған арнайы қызметі оңтүстік Гильменд провинциясында талибтердің үш бөлімшесіне шабуыл жасады, деп хабарлайды АфТАГ.  

Арнайы операциялар корпусы шығарған мәлімдемесіне сәйкес, арнайы қызметтер сейсенбі күні кешкісін Каяка ауданындағы талибтердің позициясына шабуылдады.

Мәлімдемеде арнайы қызметтер операция кезінде үш бөлімшені жойған делінген.

Сонымен қатар, арнайы қызметтер  қаруды, 3 радиоқабылдағышты, 3 компьютерді, пәкістандық ұлттық жеке куәлігін, 4 велосипедті, 2 принтерді, фотокөшірме машинасын және басқа да материалдарды тәркіледі.

Операция барысында төрт содыр қамауға алынды.

Арнайы қызметтер жағынан шығындар туралы хабарланбайды.