НҰР-СҰЛТАН, 19 шілде. Ауғанстанның Кандагар қаласында миналанған 2 автокөлік жарылды, деп 24.kz хабарлайды. 

Жарылыс салдарынан 12 адам қаза тапты, тағы 80-нен астам азамат жарақат алған. Жарылыс қалалық полиция басқармасы ғимаратының алдында болған. Белгілі болғандай, оны тәліп содырлары жарыпты. Тәртіп сақшыларының айтуынша, жарылыстан соң қаруланған лаңкестер бірден полицейлерге оқ жаудыра бастаған. Бірақ, полицейлер шабуылшыларға қарсы тойтарыс беріпті.