НҰР-СҰЛТАН, 26 шілде. Чили астанасы Сантьягодағы Уэчураба муниципалитетінің полиция учаскесінде пошта арқылы жіберілген бомбаның жарылысы кезінде сегіз адам зардап шекті. Елдің бұрынғы ішкі істер министрі Родриго Инспетерге тағы бір жарылғыш зат жіберілді деп хабарлайды РИА Новости Mercurio басылымына сілтеме жасап.
Басылымның мәліметтері бойынша, учаскеге жіберілген бомба жарылған, зардап шеккендердің барлығы полиция қызметкерлері.
Ел президенті Себастьян Пиньера болған жайтты лаңкестік әрекет деп атады және бұл қылмысқа кінәлілер заңның барлық қаталдығы бойынша жазаланатын болады деп уәде берді.
Тергеу органдары екі бомбаның жіберушісі бір адам болды деп санайды. Бомбалар Чили поштасы арқылы жіберілді.
