НҰР-СҰЛТАН, 30 шілде. Панаманың әскери теңіз қызметі патруль кезінде жылдам жүзетін қайықтан 4 мыңға жуық бумаға сақталған кокаинды тапқан. Ел билігінің мәлімдемесіне сай, ол Колон провинциясында қолға түскен, деп хабарлайды 24.kz.

Есірткі тасымалымен айналысқан 5 колумбиялық азамат қамауға алынды. Осылайша, бұл осы жылы жүргізілген ең ірі әрі сәтті операциялардың бірі болып отыр.

Айта кетсек, Орталық Америка АҚШ нарығына арналған оңтүстік америкалық кокаинді тасымалдауда негізгі бекет саналады.