НҰР-СҰЛТАН, 14 тамыз. Австралиялық Квинсленд полициясы ірі есірткі партияларын таратумен айналысатын халықаралық ұйымдасқан синдикаттың қылмыстық әрекетін тергеу барысында 766 килограмм метамфетаминді тәркіледі, деп хабарлайды РИА Новости Австралия полициясының сайтына сілтеме жасап.
«Күрделі тергеу салдарынан полиция Квинсленд пен Австралия үшін ең көлемді партия болып табылатын 766 килограмм метамфетаминді тәркіледі», — делінген полиция сайтында жарияланған хабарламасында.
Хабарламада айтылғандай, полиция есірткіден басқа қылмыстық топтың автокөліктерін және шамамен 108 мың австралиялық долларын (73 мың АҚШ доллары) тәркіледі. Тәркіленген есірткінің құны шамамен 90 миллион австралиялық долларды (60 миллион АҚШ доллары) құрауы мүмкін.
