НҰР-СҰЛТАН,05 қыркүйек. Солтүстік Қазақстан облысында марихуана мен гашиштің ірі партиясы тәркіленді, деп Экспресс К хабарлайды.
Петропавл қаласының шетіндегі саяжайда жедел қызметкерлер 10 килограмм марихуана мен екі килограмм гашишті сатып жатқан жерінде, бұрын сотты болған 1976 және 1985 жылы туылған облыс орталығының екі тұрғынын қолға түсірді. Одан әрі тінту барысында саяжай учаскелерінің бірінде және жалға алынған пәтерде тағы төрт килограмм марихуана мен бір килограмм гашиш тәркіленді.
Бұл ағымдағы жылы ұсталған ең ірі партия, – деп атап өтті СҚО ПД есірткі қылмысына қарсы күрес басқармасының бастығы Жандос Басыбаев.
Жыл басынан бері заңсыз айналымнан 200 килограммға жуық есірткі заттары тәркіленді.
