НҰР-СҰЛТАН, 16 қазан. Индонезияның ұлттық полиция басшысы Деди Прасетио 2019 жылдың 10-14 қазаны аралығында елдің бірқатар аймақтарында лаңкестік әрекетке қатысы бар кем дегенде 22 күдікті құрықталғанын мәлімдеді, деп Antara агенттігіне сілтеме жасап Regnum хабарлайды.

«Терроризмге қатысты қылмыстық істер бойынша барлығы 22 күдікті ұсталды», — деп мәлімдеді Деди Прасетио Джакартада.

Басылым күдіктілерді қамауға алу Индонезияның қауіпсіздік министрі Вирантоға болған оқиғадан кейін басталғанын атап өтті.

Естеріңізге сала кетсек,  10 қазанда Индонезияның қауіпсіздік министрі Вирантоға шабуыл жасалды,нәтижесінде ол жарақат алып, ауруханаға жеткізілді.