НҰР-СҰЛТАН, 30 қазан. Соңғы жарты жылда ФТБ АҚШ территориясы мен одан тыс жерлерде жоспарлаған лаңкестік шабуылдардың бірқатарын болдырмады, деп хабарлады сәрсенбі күні АҚШ Конгресі өкілдерінің палатасында өткен тыңдауларда ФТБ директоры Кристофер Рэй, деп РИА Новости хабарлайды.

«Соңғы алты-жеті айда ФТБ ішкі және халықаралық лаңкестікпен байланысты лаңкестік әрекеттердің алдын алды», — деді ФТБ директоры АҚШ Конгресінің Ұлттық қауіпсіздік комитетіндегі тыңдауда. Ол толық мәлімет берген жоқ, тек АҚШ-тың «үштен екі» штатындағы күдіктілер қамауға алынғанын айтты.

«Шабуылдардың алдын алу біздің басты міндетіміз болып қала береді», — деді ФТБ басшысы.

Оның айтуынша, «тіпті әл-Багдадидің жойылуы мен ИМ-қа қарсы күрестегі елдің жетістіктерін мойындай отырып, біз қырағылық танытуымыз керек», — деді Рэй.

АҚШ президенті Дональд Трамп 27 қазанда әл-Багдадидің жойылғанын мәлімдеді.