НҰР-СҰЛТАН, 13 қараша. Өткен жексембі күні Өзбекстан мемлекеттік қауіпсіздік қызметі шекара әскерінің қолбасшысы Руслан Мырзаев мен Тәжік ұлттық қауіпсіздік мемлекеттік комитетінің басшысы Раджабали Рахмонали тәжік-өзбек шекарасындағы «Дусти» өткізу пунктінде кездесті. Бұл туралы тәжік ақпарат құралдары Тәжікстан Ұлттық қауіпсіздік мемлекеттік комитетінің шекара әскерлеріне сілтеме жасап хабарлады, деп REGNUM жазады.
Тараптар мемлекеттік шекараны қорғауды күшейту, сондай-ақ тату көршілік қатынастарды нығайту және дамыту бойынша ынтымақтастықты кеңейту мүмкіндіктерін талқылады.
Екі елдің шекара басшылары есірткі саудасы, қару-жарақтың заңсыз айналымы, терроризм, экстремизм, трансшекаралық қылмыстық топтардың қызметі, сондай-ақ заңсыз көші-қон және басқа да өзекті мәселелерді талқылады.
