НҰР-СҰЛТАН,10 қаңтар. Сәрсенбі күні  Сирияның солтүстігіндегі Түркия бақылауындағы аймақта болған жарылыс жеті түрік әскери қызметшілердің өмірін қиды. Бұл туралы Синьхуа ақпарат агенттігі ақпарат көздеріне сілтеме жасап хабарлады .

Сириядағы адам құқықтары бойынша обсерваториясының хабарлауынша , Хасеке провинциясындағы Рас эль-Айна қаласының маңында бомбаның жарылуы салдарынан Түркияның бақылау бекеті зақымдалған, жеті түрік әскерилері қаза тауып, жетеуі жараланған, олардың бесеуі ауыр халде.

Бақылау ұйымы 2019 жылдың қазан айынан басталған  күрд күштеріне қарсы операцияларын өткізген уақыт ішінде  бұл жарылыста түрік әскерилерінің арасында зардап шеккендердің саны ең үлкен болғанын атап өтті.