НҰР-СҰЛТАН, 02 ақпан.Лондонның Стретем ауданында 2 ақпан күні орын алған оқиға терроризммен байланысты деп анықталды. Бұл туралы жергілікті полицияның Twitter-дегі хабарламасында айтылған, деп REGNUM хабарлайды.
«Жағдай (шабуыл) анықталуда, — делінген хабарламада. — Оқиға терроризмге байланысты деп анықталған».
Оқиға орнына жеткен полиция қызметкерлері шабуылдаушыны атып өлтірді.
2 ақпанда Ұлыбританияда белгісіз адам өтіп бара жатқан адамдарға шабуыл жасаған. Соңғы мәліметтер бойынша, оқиға кезінде бірнеше адам жарақат алған.