НҰР-СҰЛТАН, 12 ақпан. 26 ақпанда Орынборда «Діни экстремизмнің шекарааралық қауіптері: Ресей көзқарасы» сараптамалық алаңының отырысы өтеді, деп kazislam.kz хабарлайды.
Отырысты ТМД елдері арасындағы ынтымақтастықты дамытуға жәрдемдесетін «Еуразия халықтарының достастығы» ұйымы өткізеді.
Ресей мен Қазақстанның діни басшылары, ғылыми және сараптамалық қауымдастығы арасындағы байланысты нығайтуға септігін тигізетіні атап өтілді. Отырысқа Ресейдін (Орынбор, Мәскеу, Қазан, Уфа, Владикавказ, Саранск) және Қазақстанның (Нұр-Сұлтан, Алматы, Ақтөбе, Орал) ғалымдары, сарапшылары және дін қайраткерлері қатысады.
Олар қазіргі кездегі діни экстремизмнің шекарааралық қауіптерін талдап, профилактикалық жұмыстағы тәжірибелерімен бөліседі. Іс-шара 26 ақпанда сағат 10: 00-де облыс Үкіметінің салтанат залында өтеді.
