НҰР-СҰЛТАН, 03 наурыз.Владивосток-Мәскеу бағытындағы ұшақ ұшу қауіпсіздігіне төнген қатер жөнінде жасырын хабарламадан кейін тексеру іс-шараларын өткізу үшін Хабаровск әуежайына қонды, деп «Аэрофлот» авиакомпаниясының баспасөз қызметіне сілтеме жасап РИА Новости хабарлайды.

«SU1703 (Владивосток-Мәскеу) рейсін орындайтын ұшақ Хабаровск әуежайына ұшу қауіпсіздігіне төнген қауіп туралы белгісіз хабарламадан кейін  тексеру жұмыстарын жүргізу үшін қонды.Тексеруден кейін борт Мәскеуге ұшады », — деді агенттіктің сұхбатшысы.

Өз кезегінде Хабаровск әуежайының өкілі рейс 15.15-те (Мәскеу уақытымен 8.15-те) «аман-есен қонды» деп хабарлады.

«Ұшақта 167 жолаушы, 14 экипаж мүшесі болды. Экипаж әуе кемені миналау  туралы хабарлама алғаннан кейін Хабаровскідегі қосалқы аэродромға қонуға шешім қабылдады », — деді ақпарат көзі.

Ол оқиға орнын алған жерде әуежайдың жедел құтқару тобы жұмыс істеп жатқанын, келген жедел қызметтер әуе кемесін тексеретінін, жолаушылар мен жүктер қосымша тексерістен өтетінін атап өтті. Мәскеуге кететін уақыт әлі белгісіз.

Соңғы мәліметтер бойынша, Хабаровскіге жоспардан тыс қонған ұшақтың жолаушыларынан қауіпті заттар табылған жоқ, бірақ әуе кемесі әлі де тексеріліп жатыр.