НҰР-СҰЛТАН, 12 наурыз. Иранның есірткі бизнесіне қарсы бөлімшелері оңтүстік-шығыс Систан және Балужистан провинциясының Сараван шекаралас аймағында 1561 кг апиын тәркіледі. Бұл туралы Иранның Mehr News агенттігіне сілтеме жасап  REGNUM хабарлады.

10 наурызда Систан мен Балужистан шекара әскерлерінің қолбасшысы, екінші бригада генералы Мохаммад Моллашахи соңғы 24 сағат ішінде екі бөлек операция барысында есірткі заттары тәркіленгенін хабарлады.

Операциялардың бірінде полиция есірткі сатушылармен қарулы қақтығыс кезінде 1448 кг апиын тәркіледі. Моллашахмның айтуынша, қылмыскерлер шекара арқылы көрші елге қашып кеткен.

Тағы бір операция барысында полиция Сараванның шекаралас аудандары арқылы провинцияға 73 кг есірткі затын өткізбек болған көлікті ұстады. Операция кезінде бір контрабандашы ұсталды.

Бар ақпарат бойынша, тек 2018 жылдың өзінде Иран күштері есірткі сатушыларға қарсы 1557 операция өткізіп, шамамен 807 тонна есірткі мен психотроптық заттарды тәркіледі.