ПАВЛОДАР, 21 наурыз. Павлодар полициясы есірткінің ірі партиясын тәркіледі, деп хабарлайды ҚазТАГ .

«Жедел-іздестіру іс-шараларын жүргізу барысында есірткі қылмысына қарсы күрес басқармасының жедел уәкілдері үш адамды ұстады. Полицейлер өсімдік тектес сұр-жасыл заттың жеті қабын тәркіледі. Сараптама нәтижелері бойынша, бұл есірткі — кептірілген марихуана, жалпы салмағы 201 кг 700 г. Есірткінің тәркіленген салмағы аса ірі болып саналады», — деді сенбі күні Павлодар облысы полиция департаментінің ресми өкілі Жанна Белялова.

Павлодар облысының ПД Қазақстан Республикасы Қылмыстық кодексінің 297-бабының 3-бөлігі (есірткі, психотроптық заттар, олардың аналогтарын заңсыз дайындау, өңдеу, сатып алу, сақтау, өткізу, тасымалдау) бойынша сотқа дейінгі тергеу жүргізілгенін хабарлады.

«Жыл басынан бері 50 есірткі қылмысы анықталып, 226 келі есірткі айналымнан алынды», — деп толықтырды Белялова.