НҰР-СҰЛТАН, 30 сәуір. Екатеринбургте теракт жасамақ болған үш күдікті өлтірілді, деп Ресейдің Ұлттық антитеррорлық комитетіне (ҰАК) сілтеме жасап centralasian.org хабарлады.
ҰАК таратқан мәліметте, Екатеринбургтің Чкалов ауданында ФҚҚ қызметкерлері контртеррористік операция жүргізген. Үш адам өлтіріліп, қару, жарылғыш заттар тәркіленген.
URA.RU сайтының хабарлауынша, операция Екатеринбургтегі бақша өсіру серіктестігінде жүргізілген. Оларды ұстау кезінде, күдіктілер қарсылық танытқан.
Таңға қарай контртеррористік операция режимі алынған.
