НҰР-СҰЛТАН, 29 мамыр. Ауғанстанның шығысындағы Пактия провинциясының Данди-Патан аймағында содырлардың шекара бақылау-өткізу бекетіне жасалған  шабуылы салдарынан 14 сарбаз қаза тапты. Бұл туралы елдің қорғаныс министрлігіне сілтеме жасап Синьхуа агенттігі хабарлады .

Мәлімдемеге сәйкес, әскерилер шабуылға тойтарыс берді, содырлар шығынға ұшырап қашып кетті.

«Талибан» қозғалысының содырлары (Қазақстан Республикасында тыйым салынған ұйым) атысты тоқтату режимін бұзып, өткен түні  Данди-Патан аймағында қорғаныс және қауіпсіздік күштерінің бақылау бекетіне шабуыл жасады. Қиян-кескі ұрыс нәтижесігде содырлар үлкен шығындарға ұшырап, қашуға мәжбүр болды. Өкінішке орай, 14 шекара қызметкері қаза тауып, тағы үшеуі жарақат алды», — делінген мәлімдемеде.

«Талибан» қозғалысы бұл оқиғаға қатысты әлі түсінік берген жоқ.