НҰР-СҰЛТАН, 04 маусым. Дүйсенбі күні елдің солтүстік-шығысында басталған Конго Демократиялық Республикасы қарулы күштерінің операциясы кезінде кемінде 18 содыр өлтірілді. Бұл туралы ел армиясының қолбасшылығына сілтеме жасай отырып Синьхуа агенттігі хабарлады .
Әскерилердің хабарлауынша, Конго Демократиялық Республикасының әскері Итури провинциясының шекаралас аймағында операция өткізді, содырлар басып алған жерлерді қайтадан бақылауға алып, қару-жарақ партиясын тартып алды. Бір әскери қызметкер қаза тапты, екіншісі жараланды.
Әскерилер жақында бұл аймақта бірқатар қарулы шабуылдар болғанын хабарлады. Осы операция жергілікті содырлардың қайта топтасуына жол бермеуге бағытталған.
