НҰР-СҰЛТАН, 06 маусым. Малидің солтүстігінде жүргізілген операцияның нәтижесінде Солтүстік Африкадағы «Аль-Каида» лаңкестік ұйымының жетекшісі Абдельмалек Друкдаль және оның қасындағы адамдар жойылды, деп Францияның қорғаныс министрі Флоренс Парлиге сілтеме жасап РИА Новости хабарлайды.
«3 маусым күні Малидің солтүстігінде француз күштері серіктестерінің қолдауымен өткізген операция кезінде «Ислам Мағрибіндегі (AQMI) Аль-Каида» әмірін, Абдельмалек Друкдальды және оның көптеген серіктерін залалсыздандырды » , — деп Парли өзінің Twitter-дегі парақшасында жазды.
Оның айтуынша, Друкдаль «Аль-Каиданың» (Қазақстан Республикасында тыйым салынған ұйым) Солтүстік Африка мен Сахелдегі топтарын басқарған».