НҰР-СҰЛТАН, 30 маусым. Құқық қорғау органдарының қызметкерлері Колумбияның солтүстігіндегі Картахена портында 1,2 тонна кокаин тәркіледі, деп Колумбия қарулы күштерінің баспасөз қызметіне сілтеме жасап REGNUM хабарлайды.

Тәркіленген жүктің құны 73 миллион долларға бағаланып отыр.  Есірткі партиясы Германияға баратын жүк контейнеріне жасырылған. Колумбия билігі арнайы операцияны өткізуге көрсеткен көмегі үшін елдің барлау қызметтеріне алғысын білдірді.