НҰР-СҰЛТАН, 12 шілде. 9 шілдеде БҰҰ Есірткі және қылмыс жөніндегі басқармасының есебі жарияланды. Есепке сәйкес, Албания кокаин тұтыну бойынша әлемде, АҚШ пен Ұлыбританиядан кейін үшінші орында тұр. Бұл кішкентай елде кокаин тұтыну деңгейін Австралия мен Канада көрсеткіштерімен салыстыруға болады, деп REGNUM жазады.

Албанияның Telegrafi ақпарат агенттігінің хабарлауынша, осыдан екі жыл бұрын бұл көрсеткіш бойынша ел бірінші орында болған. Есепке сәйкес, 15 пен 64 жас аралығындағы Албания азаматтарының арасында, кем дегенде, 2,5% өз өмірлерінде бір рет кокаинді қолданған. Ұлыбританияда бұл көрсеткіш 2,92%, ал АҚШ-та — 2,6% құрайды.

Марихуана көрсеткіштері жоғары, бірақ әлемдік масштабта онша маңызды емес: орташа есеппен 15 пен 64 жас аралығындағы азаматтардың 5,4% -ы бұл затты кем дегенде бір рет қолданған. Солтүстік Македонияда марихуана кеңінен таралған, онда 15 пен 64 жас аралығындағы халықтың 6,6% -ы бұл есірткіні кемінде бір рет қолданған. Әлемде бұл рекорд Израильге тиесілі — онда 15 жастан 64 жасқа дейінгі халықтың 27% -ы, екінші орында 19,4% -бен АҚШ. Еуропада Франция, Италия және Испания 10-11% көрсеткіштерімен алдынғы қатарда.