НҰР-СҰЛТАН, 16 шілде. Ирак қарулы күштері операция кезінде «Ислам мемлекеті» лаңкестік тобының жоғары дәрежелі содырын өлтірді, деп  Ирак қарулы күштерінің бас қолбасшысының ресми өкілі Яхъя Расулға сілтеме жасап РИА Новости хабарлайды .

Расул Twitter-де Ирактың Ұлттық барлау қызметі арнайы операцияның нәтижесінде Умар Шаляль Убейд ретінде белгілі «Бағдадтың валиі»  (наменгер — ред.) және оның «хатшысын» жойғанын жазды.

Еске салайық, 2017 жылдың соңында Иракт ИМ лаңкестік тобын (Қазақстан Республикасында тыйым салынған ұйым) жеңіп шыққаны туралы жариялады. Ирак армиясы халықаралық коалиция мен халық жасағы бөлімшелерінің қолдауымен кей аудандардағы лаңкестер мен «ұяшықтарын» анықтау жұмыстарын жүргізуді жалғастыруда.