НҰР-СҰЛТАН, 20 шілде. Колумбиның батысында болған  мина жарылысы салдарынан елдің Қарулы Күштерінің кемінде екі мүшесі қаза тауып, тағы екеуі жарақат алды. Бұл туралы La FM радиостанциясына сілтеме жасап ТАСС хабарлайды.

Радиостанцияның мәліметі бойынша, оқиға жексенбі күні Архелия муниципалитетінде (Каука батыс департаменті) болған. Әскерилер есірткі егістерін жою операциясына қатысқан. Жарылыс салдарынан екі сарбаз оқиға орнында көз жұмды. Тағы екі сарбаз түрлі дәрежедегі жарақаттар алып, жақын маңдағы ауруханаларға жеткізілді.

Билік тергеуді бастады.