НҰР-СҰЛТАН, 23 тамыз.  АҚШ басқаратын «Ислам мемлекеті» экстремистік тобына қарсы халықаралық коалиция үшін жүк тасымалдайтын жасақ Бағдад маңындағы жол бойындағы бомбаға жарылды, деп Ирак қарулы күштеріне сілтеме жасап Синьхуа агенттігі хабарлайды.

Жұма күні Ирак қарулы күштерінің Біріккен қолбасшылығы мәлімдегендей, оқиға Бағдадтың Оңтүстік маңында болған. Бір көлік жарылып, жүргізуші қаза тапты.

Әзірге шабуыл үшін жауапкершілікті ешкім мойнына алған жоқ.

Естеріңізге сала кетейік, 2014 жылдың тамыз айында АҚШ Ирактағы ИМ (ҚР-да тыйым салынған ұйым) нысандарына әуе шабуылдарын бастады, ал қыркүйек айында Сирия аумағына соққы беру аумағын кеңейтті және топқа қарсы халықаралық коалиция құрды. Қазіргі уақытта Иракта бес мыңға жуық американдық әскери қызметшілер бар, олардың міндеттері Ирактың үкіметтік әскерлерін қолдаумен және оларды оқытумен шектеледі.