НҰР-СҰЛТАН, 23 тамыз. Сирияның солтүстігіндегі Тель-Абяд ауданының оңтүстік шығысындағы Сулук аумағында аялдаған бомба тиелген мотоцикл жарылды, деп TRT жазады. 

Қала орталығындағы зират жанында жасалған террористік шабуыл нәтижесінде 3 бейбіт адам жарақат алды.

Шабуыл болған аймаққа барған Сирия Ұлттық Армиясы сарбаздары мен жергілікті қауіпсіздік күштері шабуылдың террор ұйымы YPG/PKK тарапынан жасалғанын болжады.

Тель-Абяд ауданының оңтүстік шығысында Сулук ауданы Түрік Қарулы күштердің операциясымен 3 қазан күні террор ұйымы YPG/PKK-дан құтқарылған болатын.