НҰР-СҰЛТАН, 19 қыркүйек. «Ислам мемлекеті» (ҚР қызметіне тыйым салынған ұйым) Нигерде алты француз гуманитарлық қызметкерін, олардың жергілікті гидін және жүргізушісін өлтіру үшін жауапкершілікті өз мойнына алды, деп АҚШ-тағы экстремистік зорлық-зомбылықты бақылау бойынша барлау тобының сайтында жарияланған ИМ (ҚР қызметіне тыйым салынған ұйым) мәлімдемесінде айтылған. Бұл туралы BBC Africa-ға сілтеме жасап REGNUM  АА хабарлайды.

Содырлар бұл шабуыл Францияның «қауіпсіздік саласындағы үлкен сәтсіздігі» деп мәлімдеді.

Естеріңізге сала кетейік, Батыс Африкадағы соңғы жирафтардың бірі тұратын Куре ұлттық паркіне сапар кезінде сегіз адам қаза болған.

Жергілікті БАҚ-тың хабарлауынша, жұмысшыларды мотоциклмен келген содырлар атып өлтірген.

Бұл аймақта бірнеше лаңкестік топтар әрекет етеді, оның ішінде «Боко Харам» (Ресей Федерациясында қызметіне тыйым салынған ұйым), сондай-ақ «Аль-Каида» (ҚР қызметіне тыйым салынған ұйым) және «Ислам мемлекетімен» (ҚР қызметіне тыйым салынған ұйым) байланысты топтар.