НҰР-СҰЛТАН, 28 қыркүйек.Белгісіздер Мәскеудегі «Охотный ряд» сауда орталығының «миналануы» туралы хабарлады, шамамен 2 мың адам эвакуацияланды. Бұл туралы құқық қорғау органдарындағы дереккөзге сілтеме жасап ТАСС хабарлады .

 «Жарылыс қаупіне байланысты Манежная алаңындағы «Охотный ряд» сауда орталығынан шамамен 2 мың адам эвакуацияланды», — деді агенттіктің ақпарат көзі.

Бұған дейін Шереметьево әуежайында Минеральные Воды қаласына ұшатын ұшақты миналау туралы хабарланған болатын.

Полиция қызметкерлері мен кинологтар сауда орталығы мен ұшақты қарап шықты, миналау  туралы ақпарат расталмады.

«2,5 мыңға жуық адам эвакуацияланған «Охотный ряд» сауда орталығын, сондай-ақ Шереметьево әуежайындағы ұшақты тексергеннен кейін миналау туралы ақпарат расталмады», — деді агенттіктің ақпарат көзі.