НҰР-СҰЛТАН, 19  қазан.Сауд Арабиясының билігі  патшалық азаматтары мен елде тұрақты тұратын басқа адамдарға Әл-Харам мешітінде дұға етуге рұқсат берді, деп хабарлайды Sputnik Тәжікстан Сауд Арабиясының «Әл-Ихбария» телеарнасына сілтеме жасап.

Әл-Харам мешіті — әлемдегі басты және ең үлкен мешіт.

Елде коронавирустың таралуына байланысты,  Исламның басты қасиетті орны — Қағба орналасқан кешенде намаз оқуға тыйым  жеті айға созылды.

Жексенбі күні  Сауд Арабиясының Қажылық және умра істері министрлігі исламның қасиетті жерлеріне кіші қажылықты – умраның екінші кезеңін жүзеге асырудың басталуы туралы хабарлады, бұл өткізу қабілетін 30% — дан 75% — ға дейін арттыруды көздейді.

Естеріңізге сала кетейік, Сауд Арабиясы коронавирустық пандемияға байланысты биыл Мекке мен Мединадағы исламның қасиетті жерлеріне шетелден келген қажылар үшін қажылықты тоқтатты.