НҰР-СҰЛТАН, 25 қазан. Ауғанстан астанасы Кабулда бомбаның жарылуы салдарынан 10 адам қаза тапты, деп елдің ішкі істер министрлігінің өкілі Тарык Арйенге сілтеме жасап Анадолу агенттігі жазады.
Оның айтуынша, оқиға Ауғанстан астанасындағы білім беру орталықтарының бірінде болған.
Алдын ала мәліметтер бойынша, 10 адам қаза тауып, 20 адам жарақат алды.
Куәгерлердің хабарлауынша, бомбаны жанкешті жарып жіберген, қаза тапқандар саны әлдеқайда көп.
Жарылыс үшін ешбір ұйым жауапкершілікті өз мойнына алған жоқ.
