НҰР-СҰЛТАН, 01 желтоқсан. Ирактың Терроризмге қарсы қызметінің арнайы күштері Найнава провинциясының оңтүстік бөлігінде «Ислам мемлекеті» (ИМ)* экстремистік тобының содырларына қарсы операция жүргізіп, алты террористті өлтірді. Бұл туралы Терроризмге қарсы қызметі дүйсенбіде мәлімдеді, деп хабарлайды Синьхуа жаңалықтар агенттігі .

Арнайы күштер АҚШ бастаған халықаралық коалицияның әуе күштерінің қолдауымен Багдадтан солтүстікке қарай 400 км жерде, содырлар жасырынып жатқан Мосул қаласының оңтүстігіндегі Махмур тауындағы үңгірге шабуыл жасады.

Мәлімдемеде айтылғандай, ИМ үш содыры үңгірдегі қақтығыс кезінде, қалғандары қашуға тырысқанда коалицияның әуе шабуылдарында өлтірілген.

Операция кезінде бір әскери жарақат алды.

* ҚР-да тыйым салынған ұйым