НҰР-СҰЛТАН, 09 қаңтар. Чехия Халықаралық және қоғаммен байланыс институтының ректоры Яромир Шлабата Сирияда лаңкестік топтар таратқан идеялар Таяу Шығыста ғана емес, Еуропада да қауіпсіздік пен тұрақтылыққа қауіп төндіретінін растады, деп жазады SANA агенттігі .

Шлабата осы лаңкестік топтарды қолдайтын және қаржыландыратын елдер , сондай-ақ халықаралық қауымдастық үнсіздігімен және оларға қатысты әлсіз позицияларымен олар тудыратын елеулі қатерлер үшін жауап беретіндігін атап өтті . Ол осы лаңкестер мен олардың деструктивті идеяларына қарсы тұру, терроризмді қолдайтын мемлекеттер мен ұйымдарға қарсы тиімді шаралар қабылдауда оларға қарсы елдердің мүмкіндіктерін арттыру үшін бүкіл халықаралық қоғамдастықтың күш-жігерін біріктірудің маңыздылығын атап өтті.

Шлабата Сирия армиясының сарбаздары мен халқының лаңкестермен күрестегі қайсарлығын  жоғары бағалап, Сирияның жеңіске жететініне және оған қарсы жоспарлардың бұзылғанына сенім білдірді.